Бизнесда "Event-агентликлар" бор — улар тўй ёки байрамларни ташкиллаштириб, шундан пул топади. Муллакратия эса буни ўлимга мослаштирган!
Уйингизда мусибат бўлдими? Улар дарҳол ўзларининг "Қора Event-Агентлиги" билан етиб келишади ва сизнинг бўйнингизга "Мажбурий Тадбирлар Пакети"ни илишади:
3-куни эҳсон, 7-куни, 20-куни, 40-куни, йили...
Улар Қуръонда умуман йўқ бўлган бу рақамларни ўйлаб топиб, оилани қарзга ботиб бўлса ҳам бутун бошли маҳаллани, ва энг асосийси — муллаларни боқишга мажбур қилишади. Улар одамнинг кўз ёши устида "VIP-Catering" (овқатлантириш) бизнесини яратиб олишган. Отаси ўлиб қалби ёнаётган ўғил эса, Худога ёлвориш ўрнига, "Домлага қандай гўшт топиб берсам экан, қориларга қанча пул қистирсам экан" деб бозорда сарсон бўлади. Бу — мусибатни талон-тарож қилишдир!
"Охират Божхонаси" ва Руҳий Рэкет (Искат ва Давра)
Энг даҳшатли фирибгарлик — бу ўликнинг гуноҳларини "сотиб олиш" кампанияси. Муллакратия одамларни шундай психозга туширади "Отангнинг қазо намозлари бор эди, рўзалари бор эди. Энди у гўрда азобланади. Лекин бизда йўли бор — пул тўласанг, 'Давра' ёки 'Искат' қилиб берамиз, ҳаммаси ноль бўлади!"
Бу нима дегани ўзи?! Бу — мафиянинг "Руҳий Рэкети".
Улар Аллоҳни порахўр божхоначига, ўзларини эса порани "тепага" узатиб турувчи воситачиларга ўхшатиб қўйишган. Уларнинг мантиғи бўйича, Аллоҳнинг адолатини ва жазосини... муллага берилган бир неча миллион сўм пул билан бекор қилиш мумкин экан! Бу очиқдан-очиқ Қуръондаги "Ҳеч бир кўтарувчи ўзганинг юкини кўтармас."(Нажм: 38) Ва
Инсонга ўз меҳнатидан бошқаси йўқ”.(Нажм: 39) деган мутлақ қонунларни устидан кулишдир.
Дуони "Аутсорсинг" қилиш Кимнинг кўз ёши қимматроқ?
Замонавий бизнесларда "Outsourcing" (Аутсорсинг) деган тушунча бор — ўзингиз қила олмайдиган ишни пулга бошқа бировга (фрилансерга) қилдирасиз.
Муллакратия мусулмонларни ўз ота-онасига дуо қилишдек муқаддас ҳақдан маҳрум қилиб, дуони "Аутсорс" қилишга мажбурлаган.
Улар дейдики "Сенинг дуоинг ўтмайди, чунки сен тажвид билан, арабча қилиб ўқишни билмайсан. Яхшиси, бизни чақир, биз 'профессионал' ўқиб берамиз (албатта, конверт эвазига)".
Лекин бу биологик ва руҳий ёлғон!
Аллоҳ учун мулланинг томоғини қириб, пул эвазига, ҳеч қандай ҳис-туйғусиз ўқиган арабча матни қадрлими? Ёки отасидан айрилган ўғилнинг ёки қизнинг ўз тилида, бағри ёниб, кўз ёшлари билан тўкилиб қилган дуосими?! Муллалар одамларнинг Аллоҳ билан тўғридан-тўғри гаплашиш (йиғлаб сўраш) ҳуқуқини пулга сотиб, қалбларни карахт қилиб қўйди.
Агар уйингизда мусибат бўлганда ёки бирорта мутаассиб келиб "Отангнинг еттисини қил, қориларни чақириб хатм қилдир, пулини бермасанг ўтмайди, руҳи чирқирайди" деб сизни "Маънавий Рэкет" қилмоқчи бўлса, кўзларига қараб мана бу ҳақиқатни айтинг...
Менинг отамнинг қабри сизлар учун 'Касса аппарати' ёки 'Бизнес-лойиҳа' эмас! Аллоҳ меҳрибон ва адолатли зот, У менинг отамнинг руҳини сизнинг қорнингизга ёки чўнтагингизга қарам қилиб қўймаган. Қуръонда 'Ўликлар учун зиёфат беринг' деган оят йўқ. Мусибатдорга таом берилади, мусибатдордан таом талаб қилинмайди! Сиз менинг отам учун пул эвазига ҳис-туйғусиз 'аутсорсинг' дуо қиласиз, аммо мен унинг фарзанди сифатида текинга, лекин юрагимнинг қони билан дуо қиламан. Аллоҳ пора оладиган божхоначи эмас. Мен ўз отамни сизнинг пуллик хизматларингизга эмас, бевосита Раҳмоннинг Ўзига топширганман!"
23.06.2026
https://t.me/iqro114
Sho.95
Комментариев нет:
Отправить комментарий