ХУДО ЎРНАТГАН "ИЧКИ НАВИГАТОР"

Замонавий машиналарни биласиз, уларнинг ичига заводдан чиқишидаёқ GPS навигатор ўрнатилган бўлади. У сизга қаерга бурилишни, қаерда жарлик борлигини ва манзилга қандай етиб боришни кўрсатиб туради.

Худо ҳам инсонни яратганда унинг миясига ва қалбига дунёдаги энг кучли "GPS"ни ўрнатиб қўйган — бунинг исми Ақл ва Виждондир! Қуръонда юзлаб марта "Ақл юритмайсизларми?", "Тафаккур қилмайсизларми?" дейилишининг сабаби шу — Худо бизга "Мен сенга навигатор бердим, уни ёқ, ишлат ва тўғри йўлни ўзинг топиб бор!" демоқда.

Лекин муллалар нима қилaди? Улар бу "GPS"ни ёқишни... ТАЪҚИҚЛАБ ҚЎЙИШАДИ!

"Навигаторни ўчир, менга эргаш!" психологияси

Муллакратия миллатнинг қулоғига юз йиллар давомида битта заҳарли вирусни қуйиб келди "Сен ўзинг Қуръонни ўқисанг адашасан! Ақлингга суянсанг кофир бўласан! Динни фақат биз тушунамиз, сен ҳеч кимсан, шунинг учун миянгдаги GPS'ни ўчир-да, рулни бизга топшир!"

Бу нимага ўхшайди? Сиз ўз машинангизда кетяпсиз, ичида зўр компас ва харитангиз бор. Лекин йўлда бир тўда  "таксистлар" тўхтатиб, сизга айтяпти "Эй биродар, бу харитани сен тушунмайсан, уни фақат академиклар тушунади. Яхшиси, кўзингни латта билан боғлаб ол, орқа ўриндиққа ўт, рулни менга бер, манзилга ўзим олиб бораман!"

Миллат шунга ишонди. Ақлини ишлатишдан қўрқиб қолди. Кўзини боғлаб, ўз ҳаётининг, ўз иймонининг рулини аллақандай чаласавод  муллакратия аъзоларига топшириб қўйди.

Сохта "Таксистлар"нинг чексиз лабиринти

Хўш, муллакратияга одамларнинг кўзи боғлиқ бўлиши ва ақли ўчиқ бўлиши нега керак?

Бунинг сабаби — Мутлақ Ҳокимият ва Монополия!

Агар одамлар ўз ақли (GPS) билан йўл топса, унда муллакратиянинг кераги бўлмай қолади-да! Уларнинг миллионлаб пул топадиган маъракалари, пуллик хатми, ўзларини "авлиё" қилиб кўрсатишлари бир пулга қиммат бўлиб қолади.

Шунинг учун улар халқни қоронғу лабиринт ичида айлантириб юришади. Бугунги аҳволимизга қаранг одамлар шу даражада ақлини йўқотганки, ҳатто энг кулгили, энг маиший нарсаларни ҳам ўзлари ҳал қила олмай муллаларга югуриб боришади "Қори ака, чойни тикка туриб ичсам бўладими?", "Аёлимга гул совға қилсам гуноҳ эмасми?", "Ўнг оёғимда кирдим, намозим бузилмайдими?"

Улар инсониятни мустақил фикрлай олмайдиган, ҳатто нафас олиш учун ҳам "тепадан" рухсат сўрайдиган зомбиларга айлантириб қўйишди.

Агар даврада кимдир чиқиб олиб: "Биз оддий одаммиз, биз динни, Қуръонни тушунмаймиз, ақлимиз етмайди, фалончи уламо нима деса кўр-кўрона эргашишимиз керак, савол бериш мумкин эмас" деб ақлни пастга ураётган бўлса, мана бу гапни миясининг ўртасига қадаб қўйинг..

Худо Қуръонда 'Тафаккур қилмайсизларми?' деб инсоннинг ақлини коинотнинг энг олий мезонига чиқарган бир пайтда, сиз қанақасига Худо берган 'Ички Навигатор'ни ўчириб ташлашга чақиряпсиз?! Сизнинг муллакратиянгиз одамларнинг кўзини боғлаб, рулни тортиб олган сохта таксистларга ўхшайди. Сизларга одамларнинг уйғониши, савол бериши ва мустақил фикрлаши энг катта даҳшатдир! Чунки кўзи очиқ одам сиздан йўл сўрамайди, у Худонинг сўзини ўзи ўқиб, ўзи тушуна олади. Сизлар динни манополия қилиб, 'бизсиз Худога ета олмайсан' деган сохта божхона қуриб олгансиз. Одамларни ақлсиз, гўдак даражасига тушириб, ҳар бир қадамида сизнинг фатвонгизга муҳтож қилиб қўйганингиз — миллатга қилинган энг катта хиёнатдир! Бизга кўзимизни боғлайдиганлар эмас, Худо берган навигаторни ёқишни ўргатадиганлар керак!"

07.07.2026

https://t.me/iqro114

Sho.95