Тасаввур қилинг, Бир шаҳарга даҳшатли вақтли бомба ўрнатилган. Вақт кетяпти. Шаҳар марказига бомбани қандай зарарсизлантириш кераклиги ёзилган Мукаммал Йўриқнома (Қўлланма) ташланди. Унда қайси симни қирқиш, қандай код териш аниқ ёзилган эди.
Лекин одамлар нима қилди? Улар қўлланмани ўқиб, маъносини тушуниб, симларни қирқиш ўрнига... қўлланма матнини мақомга солиб, энг гўзал овозларда куйлайдиган ХОР капелласини тузишди! Одамлар йиғлаб, бу овозлардан таъсирланиб ўтираверишди. Бомба эса портлаб, ҳаммани йўқ қилди.
(Синдикатнинг жинояти)
Бу шаҳар — бугунги Уммат. Қўлланма эса — Қуръон! Қуръон жамиятдаги зулм, қашшоқлик, адолатсизлик ва жоҳиллик бомбаларини зарарсизлантириш учун келган ҲАРАКАТЛАР ДАСТУРИ эди. Аммо сарой муллалари одамларга нима деди? "Унинг маъносини тушуниш шарт эмас, энг асосийси — уни чиройли оҳангда, тажвид билан куйлаш! Ким шундай қилса, жаннатга тушади."
Шу тариқа, дунёни ўзгартириши керак бўлган Қонун — шунчаки мусиқий мақомга, гўзал овозлар фестивалига айлантирилди.
"Овозли Бут" Тошдан Садога ўтиш эволюцияси
Биз Макка мушриклари устидан куламиз, улар тошга ёки ёғочга сиғинган деб. Биз-чи? Биз тошга сиғинишни ташладик, лекин овозга (фонетикага) сиғинишни бошладик! Биз Қуръоннинг МАЪНОСИНИ ўлдириб, унинг ОВОЗИДАН янги "Бут" ясаб олдик.
Қуръон — бу Аллоҳнинг бизга айтаётган гапи, буйруғи, қонуни. Лекин бугунги мусулмон учун Қуръон бу — араб тилида чиройли оҳангда, йиғламсираб ўқиладиган, аммо нима дейилаётганини на ўқувчи, на эшитувчи тушунадиган "Илоҳий Мп3 трек"дир.
Тасаввур қилинг-а, Аллоҳ Коинотнинг Робби бизга мактуб юборса-ю, биз мактубни очиб ўқиш, нима буйруқ берилганини тушуниш ўрнига, мактуб қоғозини ўпиб, кўзимизга суртиб, арабча ҳарфларни мақомда куйлаб ўтирсак! Бундан ортиқ масхарабозлик бўлиши мумкинми?
"Тажвид Диктатураси" ва Миянинг ўчирилиши
Қуръонда юзлаб марта "Тафаккур қил, Ақл юрит, Тадаббур қил" (Маъносини чақ) деган буйруқ бор. Лекин бизнинг "Ҳомонлар" нима қилди? Улар бутун бошли "Тажвид ва Қироат" индустриясини яратди.
Бугун бир мусулмон "Зод" (ض) ёки "Айн" (ع) ҳарфини талаффуз қилишда тилини танглайининг қаерига тегизиш кераклигини ўрганиш учун ЙИЛЛАР сарфлайди. Уни шунга мажбурлашади. Лекин ўша оятнинг ичидаги иқтисодий адолат, етимнинг ҳаққи, суд тизими ёки коинот қонунлари ҳақидаги Аллоҳнинг реал буйруғини тушунишга БИР СЕКУНД ҳам ажратмайди!
Аллоҳ биздан "тўғри талаффузни" эмас, "тўғри АМАЛНИ" сўраган эди! Аммо руҳонийлар синфига одамларнинг амал қилиши ва ақл юритиши хавфли эди. Чунки одамлар Қуръоннинг маъносини тушунса, Ҳомонларнинг (муллаларнинг) ўйлаб топган хурофотлари ва бизнеси касодга учрарди. Шунинг учун улар диққатни маънодан — товушга буриб юборишди.
Тириклар Конституциясидан "Ўликлар Афсуни"гача
Қуръоннинг ўзида унинг туширилиш мақсади аниқ айтилган: «(Бу Қуръон) тирик бўлган шахсларни огоҳлантириш учундир» (Ёсин: 70).
Лекин бугун Уммат Қуръонни қаерда ишлатяпти?
Қабристонда:
Ўликларга савоб бағишлаш учун (ваҳоланки Қуръонда ўликка савоб етиши ҳақида бир оғиз ҳам сўз йўқ).
Уй қурғанда ёки жин чалганда:
Азамат ва жинкашларни ҳайдаш учун "шаманларнинг афсуни" сифатида.
Машинада ва бўйинда:
Авариядан ёки кўз тегишидан асровчи тумор (талисман) сифатида.
Биз Аллоҳнинг Буюк Конституциясини энг баланд токчага, бахмал ғилофга солиб, кишанлаб қўйдик. Токи ҳеч ким унинг ичидаги инқилобий ғояларни ўқиб, жамиятдаги адолатсизликка қарши исён қилмасин!
Агар кимдир сизни "Қуръонни арабча тажвид билан ўқимасанг савоб бўлмайди, таржимаси ўтмайди" деса, унинг миясини мана бу зарба билан "формат" қилинг..
"Дўстим, агар оғир касал одамга врач ҳаёт-мамот рецептини ёзиб берса-ю, бемор дорини сотиб олиб ичиш ўрнига, ўша рецепт қоғозини энг чиройли мақомда, кечаю кундуз йиғлаб куйлаб чиқса, у тузаладими? Йўқ, у ўлади!
Аллоҳ Қуръонни 'Қорилар танлови' ўтказиб, ким чиройлироқ йиғлатишини эшитиш учун нозил қилмаган. Қуръон — бу ҳаёт матрицасини қайта дастурловчи КОД! Сиз Аллоҳнинг мактубини ўқиш, англаш ва жамиятга татбиқ этиш ўрнига, уни токчага қўйиб, устидан ўлганларга бағишлаб пул ишлаяпсиз.
Сизлар Қуръоннинг асл моҳиятини ўлдириб, ундан 'Овозли бут' ясаб олдингиз. Мен эса Қуръоннинг товушига эмас, унинг МАЪНОСИ ва АМАЛИЁТИГА тобеман. Менинг диним гўзал қироатлар фестивали эмас, балки адолат, тафаккур ва ҳаракат инқилобидир!"
24.08.2026
https://telegram.me/iqro114
Sho.95
Комментариев нет:
Отправить комментарий