Тасаввур қилинг Бир бемор оғир касалликдан (масалан, жаҳолат ва коррупциядан) ўлай деб ётибди. Энг зўр Табиб (Яратган) унга мўъжизавий шифо берадиган Дори Рецептини (Қуръонни) юборди. Рецептда аниқ ёзилган "Буни ичсанг, адолатли бўласан, илмли бўласан, жамиятинг гуллайди".
Бемор нима қилиши керак? Дорихонага бориб, рецептдаги моддаларни қориштириб, дорини ичиши керак, тўғрими?
Лекин муллалар нима қилди? Улар беморларни йиғиб, дори ичишни унуттирди ва Рецепт матнини чиройли оҳангда куйлаш бўйича "Вокал танловлари" ташкил қилди!
Улар: "Ким мана шу рецептдаги лотинча сўзларни томоғини қириб, энг чиройли, йиғламсираган овозда, тажвид билан ўқиб берса, ўша энг зўр мусулмон!" дейишди. Одамлар йиғлаб рецептни куйлашади, ҳарфларини тўғри талаффуз қилиш бўйича тортишишади, лекин ҲЕЧ КИМ ДОРИНИ ИЧМАЙДИ! Натижада касаллик тузалмайди, жамият эса чиришда давом этаверади. Бу — Муллакратиянинг энг катта акустик ёлғонидир!
Ресторанда "Меню"ни чайнаб ўтирганлар
Сиз дунёдаги энг зўр ресторанга кирдингиз. Официант (муллакратия вакили) сизга жуда чиройли, тилла суви юритилган, араб грамматикасида ёзилган Менюни олиб келди.
Сиз менюни очдингиз, ичида "Ижтимоий адолат", "Етимларга ғамхўрлик", "Порахўрликка қарши кураш", "Тафаккур ва Илм" деган таомларнинг номи ёзилган. Сиз официантдан шу таомларни олиб келишини сўрадингиз.
Официант эса ҳайрон бўлиб қарайди-да "Йўқ-йўқ! Бизда бу таомларнинг ўзи пиширилмайди. Бизнинг вазифамиз — фақат шу Менюни юзимизга суртиш, ўпиш, кўзга тўтиё қилиш ва уни баланд жавонга чанг тегмайдиган қилиб ўраб қўйиш!" дейди.
Кейин эса ҳамма ёппасига Меню қоғозини чайнашни бошлайди!
Қуръон — бу ҳаракатга ундовчи Меню эди. Лекин Муллакратия одамларга амал қилишни эмас, фақат қоғозга ва шаклга сиғинишни ўргатди. Улар "Харита"га қараб йўл юриш ўрнига, Хаританинг ўзига сажда қилишни бошлашди!
Бўйнига "Чизма" (Чертеж) осиб олган Прораб
Аллоҳ Қуръонни мўминларга худди Архитектор ўз қурувчисига замонавий касалхонанинг Чизмасини (Чертежини) берганидек нозил қилган. Токи одамлар шу чизмага қараб ҳалол ва мустаҳкам жамият қурсин.
Аммо бизнинг мутаассиб "қурувчиларимиз" нима қилади? Улар чизмани олиб, унга қараб ғишт термайди. Улар чизмани майдалаб кесиб, тумор қилиб бўйинларига осиб олишади! Қоринлари оғриса, чизмани сувга ивитиб сувини ичишади. Машинаси авария бўлмаслиги учун чизмани бардачокка солиб қўйишади.
Аллоҳ "Уй қур!" деб чизма берса, муллакратия "Бу муқаддас қоғоз, буни шунчаки ўқиб дам солсанг, уй ўзи қурилиб қолади", деб одамларни сеҳргарлик ва дангасалик ботқоғига ботирди!
Агар қайсидир мутаассиб мулла сизга Қуръоннинг маъносини (таржимасини) ўқиб, тафаккур қилиб, ҳаётга татбиқ этаётганингизни устидан кулиб "Сен арабча ҳарфини нотўғри талаффуз қиляпсан, тажвидинг йўқ, сенинг ўқиганинг ўтмайди" деб "Грамматика полицияси" ролини ўйнамоқчи бўлса...Унга миясини "формат" қиладиган мана бу жавобни беринг:
Сиз касалхонада Дори рецептини чиройли мақомда куйлаб бериб, касал тузалиб қолишини кутаётган одамга ўхшайсиз. Сиз ресторанга кириб, овқат ейиш ўрнига Менюни чайнаб, қоғозининг таъмидан лаззатланаётган одамсиз! Аллоҳ Қуръонни Сод сураси 29-оятда 'Оятларини тафаккур қилишлари учун туширдик' деган, 'вокал ва тажвид мусобақаси ўтказиш учун туширдик' демаган! Мен бўйнимга қурилиш чизмасини осиб олиб, 'уй қурилсин' деб дуо қиладиган дангаса эмасман. Мен чизмани ўқийман ва ундаги Адолат, Меҳнат ва Эҳсон деган ғиштларни реал ҳаётда тераман. Сиз эса рецептни куйлашда давом этинг, балки 'Грэмми' мукофотини оларсиз!"
15.06.2026
https://t.me/iqro114
Sho.95
Комментариев нет:
Отправить комментарий